El primer pasu ye escoyer una obra afecha a la edá del alumnáu.  El taller estructúrase del siguiente mou:

1. Repartu de personaxes: El profesoráu reparte los papeles ente’l alumnáu. Estos pueden tar desdoblaos pa facilitar la participación d’un mayor númberu d’estudiantes, fomentando la inclusión y el trabayu en equipu.

2. Entrega del testu adaptao: Entreguen al alumnáu los cortes de testu previamente escoyíos y adaptaos. Foméntase la memorización, pero permítese la llectura en casu de que’l alumnáu lo necesite, priorizando siempres la seguridá y la participación.

3. Trabayu previu nel aula con apoyu de la guía didáutica y del videu: Durante dellos díes, el alumnáu trabaya la obra en clase apoyándose en: la guía didáutica, que facilita la comprensión del argumentu, los personaxes y el contestu o un videu de referencia, que permite ver cómo se representa la obra en escena pol elencu profesional. Cada futuru intérprete reflexona y esplícase: cómo s’imaxina’l so personaxe, qué vestuariu llevará, cómo se moverá, cómo falará y se va espresar. Esti procesu potencia la educación artística, la espresión oral y corporal, y el pensamientu creativu.

4. Representación final: El alumnáu fai la puesta en escena final, que puede abrirse a families y otros cursos del centru.