Gasolina con capullos ye una traxedia urbana contemporánea tiñida d'humor agriduz que trata dellos temes d'ámbitu social, como la inmigración, la esclusión y les desigualdaes, pero tamién la soledá y la falta d’esperanza.

- Fomentar la empatía y la conciencia social
- Trabayar valores como la tolerancia y la integración
- Ameyorar la capacidá comunicativa al traviés de delles espresiones artístiques
- Desendolcar el pensamientu críticu

L'alumnáu puede trabayar en grupos o individualmente. Tendrán de cavilgar sobro los fechos qu’asoceden na obra y qué lleven a los personaxes hasta la esclusión social que sufren.

Pueden espresar los sos pensamientos de delles formes: un monólogu pronunciáu por dalgún de los personaxes, una pequeña escena teatral qu'ellos mesmos escriban ya inclusive un colax artísticu qu’obligatoriamente tendrá d'incluyir testos o palabres n'asturianu.

A lo último, van esponer los sos trabayos énte la clase, desplicando qué representen, cómo-yos fizo sentir l'actividá y cómo podríen ayudar a persones que s'atopen na situación de los personaxes na vida real.

Los oxetivos son:

Ameyorar la so capacidá d'espresión oral, escrita y artística.
Desenvolver un pensamientu críticu y aprender a tresmitir y defender les sos idees énte los demás.
Fomentar la so creatividá y orixinalidá.
Trabayar la competencia llingüística, plurillingüe, personal, social y de aprender a aprender, ciudadana.
Analizar críticamente obres teatrales contemporánees rellacionándoles col so contestu social actual.
Participar n'asturianu amosando fluidez y espresividá.
Producir manifestaciones artístiques propies qu'integren les temátiques sociales.
Amosar actitúes de respetu, solidaridá, empatía y diálogu.